يا جمال دوختينا
وكليت لحمنا حي او طايب او خامج...حشومة
يا جمال هز علينا قلالش جمالك
ما بغينا بطانة تطيح في شي حومة
عيينا من اللومة
وذابو عظامنا فالكومة
او ما عرفنا يدينا من رجلينا
درنا الحضرة حسبتنا هبال
دحينا العدو حسبتنا رجال
ولكن كوانب
علاش تقلبت علينا
ورميتنا للدياب
نقلبو على ألما تحت السما
نلقاوه سراب
وعيينا ما قدينا نشو الذبان
ومشى الضباب على علينا
طلبنا بحقنا فالطراب
هددونا الجمالة في الدلالة
وقالو الجمل جمع فمو
فين نمشو يا جمال باش نحلمو
حل فمك شوية
راه ضاق الحال علينا
دابا حل قبل ما تولي الروينة في الكوزينة
اسماعيل طاهري
20 يونيو 2021
طنجة
0 التعليقات